Тыва Республикада сентябрь 20-де короновирус талазы-биле эпидбайдал
20.09.2020
Роспотребнадзорнуң ТР-де эргелели биле ТР-ниң Кадык камгалал яамызының 2020 чылдың сентябрь 20-де республикада коронавирус талазы-биле эпидбайдалга дыңнадыы.
Сөөлгү хонукта 27 аарыг кижини эмнелгеден үндүр бижээн, оларның 19-зу лабораторияга бадыткаттынган диагнозтуг. Лабораторияга бадыткаттынган диагнозтуг 6852 кижи эрткен үелерде сегип-сегээн.
Эрткен хонукта лабораторлуг тестирование-биле чаа аараан 38 кижини илереткен:
Кызылда – 11, Бай-Тайга кожуунда – 2, Барыын-Хемчикте – 4, Кызыл – 9, Мөңгүн-Тайгада – 3, Өвүрде – 1, Таңдыда – 4, Тоджуда – 1, Улуг-Хемде – 1, Чеди-Хөлде – 2.
Халдавыр чыпшынган 7395 таварылганы лаборатория бадыткаан.
Кызылдың стационар эмнелгелеринде берге байдалдыг 63 кижи бар. Оларның 4-ү ИВЛ, 5-жи – НИВЛ-де коштунган.
Тыва Республикага аарыг өөскээнден 95 кижи чок болган.
Эпидемия үезинде 215444 лабораторлуг шинчилелди кылган.
Возврат к списку
|