Тываның Баштыңы COVID-19-биле удур демиселге улуг ажылды кылган

Тываның Хөй-ниити палатазының даргазының оралакчызы Эльвира Лифанованың бодалы-биле алырга, Камгалал яамызы шериглерниң хөй ажыл-чорудулгалыг көжүп чоруур эмнелгезин Кызылда ажытканы улуг ужур-дузалыг болган. 

"Тываның Баштыңы Шолбан Кара-оол ведомство-биле чугаалажылгага чогуур хөөннү тып, кол рольду ойнаан” – деп, Эльвира Лифанова демдеглээн. Республиканың Баштыңы ол ышкаш, ковид-19 аарыы-биле демиселче найысылалдан улуг арга-дуржулгалыг эмчилерни Тываже чалаар саналды база идип үндүрген. Шолбан Кара-оол Москваның мэри Сергею Собянинге дилегни киирерге, Тываже гуманитарлыг дуза келген. - Ооң ачызында Тывада халдавырны базарынга эң херек эм-таң аймаа болгаш хууда камгалал чүүлдери келген"  - деп, регионнуң Хөй-ниити палатазының даргазының оралакчызы чугаалаан. 

Тыва онза чурумда пандемияны эрткен. Чурттакчы чоннуң саны ындыг кончуг хөй эвес-даа болза, регионнуң бот-тускайлаңындан, ковидтээн кижилерни саны хөй болган. Республика Баштыңы чурттакчылыг черлерде аараан таварылгаларны ажык-чарлыг дыңнадырын даргалардан негээнин Лифанова чугаалаан. Аарыг-биле демисежир штаб тодаргай болгаш шалыпкын ажылдаан. Республиканың чурттакчы чонунуң үштүң ийи кезии COVID-19-ка тестированиени эрткен, ол чуртта эң бедик көргүзүглерниң бирээзи. Сибирьде эккирген кижилерниң саны-биле Тыва Республика мурнуку черде.

https://rg.ru