Тывада 125 муң дөрбелчин метр чуртталга шөлүн чыл төнчүзүнге чедир дужаар

Чыл төнчүзүнге чедир хөй аалдыг 12 бажың дужааттынар деп, тудуг яамызының специалистери дыңнаткан. Ол дужааттынар бажыңнардан өскүс уругларга 4,8 муң дөрбелчин метр ажыг шөлдү чурттаар черлерни тускайлаар. А 17 муң хире дөрбелчин метр шөлдү аварийлиг чуртталга бажыңнарындан хамаатыларны өскээр көжүрер программаның киржикчилеринге хуваар. 2,5 муң дөрбелчин метр аныяк өг-бүлелерге тускайлаттынар. 

Чер шимчээшкининге удур оран-саваны быжыглаар федералдыг программа шугуму-биле 20,3 муң дөрбелчин метрде чурттакчыларны көжүрер. Бажың тудуушкунунга үлүүн киирген чурттакчылар 5 муң хире кижи бар, а көдээ черлерни хөгжүдер программа күүселдези-биле 1 муң ажыг дөрбелчин метр чуртталга шөлү туттунуп турар. 

Чаа чуртталга тудуунуң эң хөй үлүү хууда чуртталга тудуунга онаажыр – 2020 чылда 66 муң дөрбелчин метр шөлдү туткан.