РФ-тиң Чазааның курлавыр фондузундан Тыва коронавирус-биле демисежиринге 160 млн. рубльди немей алыр

ТАСС, июль 17. Тыва РФ-тиң Чазааның курлавыр фондузундан коронавирус инфекциязы-биле демисежиринге 160,5 млн рубльди алыр. Эрге-хоойлу медээлериниң албан езунуң сайтызында пятницада салган министрлер кабинединиң айтыышкыныда ооң дугайында дыңнаткан.  

"COVID-19 чаа коронавирус инфекциязы илереттинген хамаатыларга эмчи дузазын көргүзер талазы-биле хемчеглерни боттандырарынга хүлээп алган Россия Федерациязының айыттынган субъектизинге хүлээндирген чарыгдалдарны кады акшаландырар сорулга-биле Тыва Республиканың бюджединге бютжеттер аразының өске трансфертин бээринге Россия Федерациязының Чазааның курлавыр фондузундан 2020 чылда 160500 муң рубль хемчээлдиг бюджет акшаландырыышкынын тускайлаар" - деп документиде айыткан.

 Эмнелге организацияларынга хууда камгалал чүүлдерин садып алырынга 58,5 млн рубль, медицина дериг-херекселдерин садарынга 102 млн рубль көрдүнген. 

“Ол COVID-19-биле демиселге немелде акшалындырыышкын болур. Бистиң дилеглеривиске харыы" – деп Тываның Чазаа демдеглээнин ТАСС айыткан.

 Тываның Баштыңы Шолбан Кара-оол республиканың өмүнээзинден дузаны көргүскени дээш Россияның Чазаанга четтиргенин илереткен.  

«160,5 млн. рубльди хууда камгалалдың база амгы үениң медицина дериг-херекселдерин садып алырынче угландырар. Чедимчелиг профилактика, диагностиканы база эмнээшкинни чорудуп, кижилерге боттуг дузаны көргүзеринге ол бүгү херек – деп, Шолбан Кара-оол бодунуң блогунда бижээн. - Бистиң Тыва 160,5 млн. рубльдан аңгыда, федералдыг бюджеттен 1 млрд. 207,4 млн. рубльди база алыр. Ооң 966 млн. рублин эмчилерге деткимче төлевирлерже, 131,2 млн .рублин орун фондузун четчелээирнче, 54 млн. рублин эмнелге дериг-херекселдерин садарынче, 85,9 млн. рублин камгалал дериглеринче чарыгдаар. 

Президент В.В. Путинниң туружунуң база Росия Чазааның дүрген хөделиишкиннериниң ачызында пандемияга согугну берип, ооң шылгалдазын шыдап эрте бээр бис». 

 330 муң хире чурттакчылыг республикада коронавирустан аараан 5,6 муң ажыг таварылга бүрүткеттинген. Аараан кижилерниң 5,3 муң ажыы эмнеттинген. Коронавирустан 45 кижи чок болган.