Тыва Республикада 2020 чылдың июнь 15-те коронавирус талазы-биле эпидбайдал

Чөөн-Хемчиктиң КЭТ-тен – 1 кижи, Каа-Хемниң ТКЭ-ден – 1, Улуг-Хемниң КЭТ-тен – 2, Таңдының ТКЭ-ден – 2, Перинаталдыг төптен – 3, №17 школада госпитальдан– 3, уруглар эмнелгезинден – 6, инфекция эмнелгезинден – 11, терапия корпузундан – 48, хоорай поликлиниказынга амбулаторлуг эмнээшкин соонда – 2 кижини үндүр бижээн. Эрткен үе иштинде covid деп кол диагнозтуг 2 кижи чок болган.

Эрткен үелер иштинде 2566 кижиге халдавыр чыпшынган, оларның 987-зи эр, 1579-зу херээжен кижилерде. 

 · 17 харга чедир 399 чаштар аараан: чаа төрүттүнген чаштардан ийи харга чедир – 64, 3-6 хар аразында – 77, 7-14 харлыг – 190, 15-17 харлыг – 68 таварылга. 

 · Улуг кижилерден 2167 кижи аараан: 18-49 хар аразында – 1621, 50-64 харлыг – 422, 65 хардан өрү назылыг – 124 таварылга. 

Чаа коронавирус инфекциязындан аараан 72 таварылганы эрткен хонукта илереткен. Инфекция чыпшынганындан эмнелгеге чыттырганынга чедир чогуур норманың коэффицентизи 1,0 болза, республикада ол көргүзүг 1,3. 

Эрткен үеде 73 367 лабораторлуг шинчилелди кылган. 

Роспотребнадзорнуң ТР-де эргелели биле ТР-ниң Кадык камгалал яамызының медээзи-биле алырга, Тывада өлүм-хораар чорук 2019 чылга деңнээрге 2020 чылда 12,2 хуу кызырылган. Чижээ, 2019 чылдың майга деңнээрге, бо чылдың майда өлүп-хораар чорук 70 санга эвээш болган.

 Республиканың ХБАБ органнары 2020 чылдың майда чок болган 177 чорукту бүрүткээн. Эмнелге албан черлеринге 149 кижи чок болган. Чок болган 149 кижиниң 19-зунда ковид чыпшынган. Олар шупту 50 хардан өрү назылыг, аар, хоочураан элээн каш аарыглыг кижилер болган. Россияның Кадык камгалал яамызының кандыг таварылгада өлүмнүң кол чылдагааны ковид болганын, а кажан ковид кол аарыг эвезин айтыр чиге негелде бар бооп турар. Бо хүннүү-биле алырга, коронавирустан өлген ийи таварылганы албан езузу-биле бадыткаан. Федералдыг эксперттерниң үнелелин алган ийи экспертиза албан езузу-биле бадыткаттынган. Чүгле ынчан коронавирустан өлген дугайында барымдаа статистиктиг сан-чурагайларже кирер.

 Ковид халдадып алган 19 өлген кижиниң 17-зи кол аарыгларындан чок болган. Рактан – 3, инсульттан – 4, баар циррозундан – 2, чүрек аарыындан – 2, автоавариядан – 1, бүүрек аарыындан – 1, мээзинче хан чүгүргеш – 3, өрттенген – 1 кижи чок апарган. 

Хар-назынындан алгаш көөрге, 80-89 харлыг – 4, 70-79 харлыг – 2; 60-69 харлыг – 4, 50-59 харлыг – 5, 40-49 харлыг – 4 кижи болур. Ковидтен 70 хардан улуг назылыг эр биле херээжен, ийи кижи ковидтен чок болган. Ол кижилерниң боттарының кол аарыглары бар-даа болза, коронавирус чок болганының чылдагааны ол. Ону патологоанатомнуг болгаш гистологтуг экспертиза шынзыткан. Патологоанатомнуг шинчилел дээрге, органнарның когараанын карак-биле көрүп шынзыдары болза, гистологтуг шинчилел РНК тканында (рибонуклеиновая кислота) ковидти хынап, илередир.