Тыва Республикада коронавирус талазы-биле 2020 чылдың июнь 10-да эпидемиологтуг байдал

Covid-19-тен ниитизи-биле 2027 кижи аараан. Аарыгның тарап-нептерээниниң коэффициентизи 1,0 хуу боор тургаш, ам 1,1 хуу. Сөөлгү хонукта эмнелгеден 98 кижини үндүр бижээн, сегээн кижилерниң ниити саны 776. 557 кижи амбулаторлуг эмнээшкинни ап турар. 421 орун, азы 1346 оруннуң 31,3 хуузу хостуг, а кожууннарда – 114, азы 27,1% хуузу. 

 Патологоанатомнуг эрткен үелер иштинде экспертизадан алгаш көөрге, covid-тен 2 кижи чок болган.

Дегдирген 623 кижи эмнедип чыдар, оларның 380-и бадыткаттынган covid диагнозтуг. 

Кожууннар эмнелгелериниң халдавырлыг аарыглар салбырларында 198 кижи эмнедип чыдар: Сүт-Хөл кожууннуң төп эмнелгезинде 1, Мөңгүн-Тайгада – 2, Өвүрде – 3, Бай-Тайга, Бии-Хем, Эрзинде – 4-4, Чаа-Хөл, Каа-Хемде – 5-5, Тес-Хемде – 6, Чеди-Хөлде – 7, Таңдыда – 20, Кызыл кожуунда – 21, Чөөн-Хемчикте – 30, Барыын-Хемчикте – 38, Улуг-Хемде – 48 кижи. 

 65 603 лабораторлуг хыналдаларны кылган, ооң 1858-изин эрткен хонукта. Июньнуң 3-тен эгелеп, коронавирус халдавырын илередир дээш алган анализтер харыызын 15752 смс-дыңнадыышкыннар-биле чоруткан.