Тываның Чазаанга республикада коронавирус халдавырының тарап нептерээниниң амгы үеде байдалын сайгарган

Май 31-ниң хүнүнде тускайлаттынган стационарларда 715 аарыг кижи чыдар. Оларның 645-инде , азы 90,2 хуузунда коронавирус деп аарыг барын бадыткаан. 51 кижиниң байдалы берге, 415 кижиниң ортумак. Вирустуг 249 кижи аарыгны чиик эртип турар. ИВЛ аппаратта 5 аарыг кижини кошкан, дөрт аарыг кижи өкпезин арыглаар инвазивтиг аппаратта. Амбулаторлуг эмнээшкинде 173 кижи бар, оларның аразында 42 назы четпээннер. Пандемия эгелээнден 270 кижи сегип, экирээн. 

Орун фондузун 327-ден 1160 чедир көвүдедип, 1000 чурттакчыга онааштыр 3,5 орун кылдыр хандырган. Бөгүнде 425, азы 37,3 хуу хостуг оруннар бар, ооң 168-зи кожуун эмнелгелеринде.  

Лабораториялар бирги чаданың 10 муң, ийиги чаданың 14 муң, үшкү чаданың 3,2 муң тест-системалары-биле хандыртынган. Сөөлгү хүнде 1225 лабораторлуг шинчилелди кылган. Пандемия эгелээнден 48872 шинчилелди кылган. Бөгүнде үш лабораторияның бирээзи-ле хүнде 400-500 анализтерни ап турар. 

 Республика Чазаа эм-таң хандырылгазынче курлавыр фондузундан 9 млн. рубльди тускайлаан, ооң 8,9 млн. рублин керээ-биле, 8,5 млн. рублин бараан хандырылгазынче. ТР-ниң Кадык камгалал яамызы хандырылга планы июнь 5-ке чедир долузу-биле күүсеттинерин дыңнаткан. Ооң мурнунда 6,4 млн. рубль түңге садып алганы эмнер артыы ам-даа бар.  

Коронавирустан аар аараан кижилерни тускайлап аңгылаар пунктуну тургускан болгаш, ол ам ийи дугаар хүн ажылдап турар. Чаңгыс хүнде оон ортумаа-биле 70 аарыг кижини эрттирген. Пунктуну чогуур дериг-херекселдер, томограф-биле дерээн. Шинчээн соонда, аар аарыг кижилерни халдавырлыг аарыглар эмнелгезинче, а ортумак болгаш чиик хевирде кижилерни 16 биле 17 дугаар школаларның баазазында ажыткан түр үениң эмнелгелеринче чорудуп турар.

 Бо неделяда республикага “дүрген эмчи дузазының” 6 машиназы келир, аңаа ажылдаар бригадалар белен.