РФ-тиң Президентизиниң уругларга төлевирлер талазы-биле чарлыы Тывада күүсеттинип эгелээн

 1) бо чылдың июль 1-ге чедир ие капиталы алыр эргелиг, сертификаттың акша-хөреңгизин шуптузун чарыпкан-даа болза, үш хар чедир чаш уруг санынга ай санының 5000 рубль хемчээлдиг төлевирин 2020 чылдың апрельден июньга чедир дээш төлээр. Бо чылдың апрель-май дээш 5000 рубльдиң төлевиринге дээш 12323 шиитпирни боттандырарынга 134 565 000 рубль түнүг акшаны үндүрген. Бо чылдың июньнуң төлевирин июнь 11-ден төлеп эгелээр. 

2) 2017 чылдың апрель 1-ден 2020 чылдың январь 1-ге чедир бирги төлү кылдыр төрүттүнген азы төл азырап алган өг-бүлелерге, ында 4898 чаштар бар, ие (өг-бүле) капиталының бар-чогундан хамаарылга чокка, 5000 рубль хемчээлдиг ай санының төлевири чоруп турар. Бо чылдың июнь 1-ге чедир чөпшээрээн 3970 шиитпирге дээш, 40960,00 муң рубль түңнүг акшаны шилчиткен. 

3) 2020 чылдың май 11-ден июнь 30-ге чедир, өг-бүледе 3 хардан 16 хар чеде берген ажы-төл санынга 10000 рубль хемчээлдиг чаңгыс удаа бээр төлевир. Баш бурунгаар санаашкыннар-биле 99253 уруг бар.

2020 чылдың октябрь 1-ге чедир ЕПГУ, РПФ эргелели база МФЦ таварыштыр билдириишкиннерни киирер, оон ХБАБ-тың күрүнениң чаңгыс аай реестринден хынаан соонда, РФ-тиң Пенсия фондузунуң федералдыг деңнелде медээлер системаларынга хыналданы эртер.  

Россияның Пенсия фондузунуң Тыва Республикада Пенсия фондузунуң эргелелинче бо чылдың июнь 1-ге чедир 42780 билдириишкин кирген. 71215 ажы-төлге дээш 40461 билдириишкинге 712150000 рубльдиң деткимчелиг шиитпирин үндүрген. 66932 ажы-төлдүг 37956 билдириишкин киирикчилериниң бо чылдың май 12-ден 25-ке чедир киирген билдириишкиннери езугаар, банк албан черлеринде хамаатыларның агар саннарынче ниитизи-биле 669 320 000 рубль акша-хөреңгини шилчиткен. Май 26-дан кирген билдириишкиннерниң төлевир документилерин июнь 2-ден чээли организацияларынче шилчидер.