Тывада социал ужур-дузалыг объектилерни база хөй кижилер чыглыр черлерни дезинфекциялап турар
27.05.2020
Россияның ОБЯ Тыва Республикада Кол эргелелиниң ажылдакчылары чаа коронавирус инфекциязын (COVID – 2019) Тыва Республиканың девискээринге тарап нептерээрин болдурбас дээш, социал ужур-дузалыг объектилерниң даштын база хөй кижилер чыглыр черлер - кудумчулар, аллеялар, скверлер, спортчу шөлчүгештер, автобус доктаамнары, садыглар даштынга санитарлыг арыглаашкынны уламчылап турар.
Өрт-камгалал кезектериниң күштери өртке удур техниканы база дериг-херекселдерни ажыглап, хлор эзилдирген холуксаа-биле дезинфекцияны хүннүң-не үштен алды шакка чедир кылып турар. Майның 8-тен 25-ке чедир республиканың 29 чурттакчылыг черлеринге 505 004 дөрбелчин метр черни арыглап, 1242 кг дезинфекция бүдүмелин ажыглаан.
Россияның ОБЯ Тыва Республикада Кол эргелели
Возврат к списку
|