Тыва Республикада 2020 чылдың май 20-де коронавирус хамчыының талазы-биле эпидемиологтуг байдал

Лабораторияга 29342 шинчилелди эпидемиологтуг байдал эгелээнден бээр кылган. 

2020 чылдың май 20-ге чедир республикада COVUD-19 халдавырындан аараан 451 кижини илереткен. 62 кижи аарыгдан сегээн. Амгы үеде 388 кижи аарып турар, оларның 168-зи дегдириишкинден каданнаан. Эрткен үе дургузунда бир кижиниң мөчээни бүрүткеттинген.

Эрткен хонукта 44 аарыг кижини илереткен. Өг-бүле иштинде база чоннуң идепкейи көдүрүлгени-биле аарыгның өөскүүрү нептерээн. Республикада кезээде белен чоруктуң чуруму хевээр арткан болгаш, кижи бүрүзү масканы кедери албан. Аарыгның нептереп тараанының коэффициентизи - 1,0 (нормазы 1,0). 

Ийи эмнелгениң реанимация салбырларында 18 кижи чыдар, оларны кислородта кошкан. Ниитизи-биле 29 аарыг кижи кислород-биле тынып чыдар. ИВЛ аппаратта коштунган кижи чок. Обсерваторларда 140 кижи чыдар.

 Кожууннарның халдавырлыг аарыглар салбырларында covid-19 аарыг 15 кижи эмнедип чыдар:

· Барыын-Хемчиктиң кожууннар аразының эмнелге төвүнде – 1; 

· Кызылдың төп кожуун эмнелгезинде – 1; 

· Мөңгүн-Тайганың төп кожуун эмнелгезинде – 3; 

· Бии-Хемниң төп кожуун эмнелгезинде – 1; 

· Тандының төп кожуун эмнелгезинде – 2; 

· Тес-Хемниң төп кожуун эмнелгезинде – 2; 

· Улуг-Хемниң кожууннар аразының эмнелге төвүнде – 5. 

Кызыл кожууннуң төп кожуун эмнелгезинде оруннарны чиик хевирге covid-19-тан аараан кижилер чыттырар кылдыр эде дерээн. 

Мөңгүн-Тайга кожуунда, Таңды кожууннуң Межегей суурда, Өвүр кожууннуң Хандагайты биле Солчур суурларда, Тес-Хем кожууннуң Шуурмак суурда карантин хемчеглери хевээр арткан.