Апрель 27-де, Тывада дөрт арга-арга өрттери хып турар

2020 чылдың апрель 27-де 08:00 шактыы-биле, Тыва Республиканың арга-арыг фондузунуң черлеринде ниитизи-биле 3330 га шөлде 4 арга-арыг өрттери хып турар. Чадаананың арга-арыг ажыл-агыйының Чыраа-Бажы арга-арыг участогунда ниитизи-биле 420 га черде арга-арыг өрттү хыпкан. Кургаг сиген өрттеткенинден ол тарап нептерээн. 

Каа-Хемниң арга-арыг ажыл-агыйының Бүрен-Хем арга-арыг участогунда 800 га ниити шөлде, ооң 798 газы аргада (тайга бажында 50 га), 2 га арга-арыг эвес черде өрт хыппышаан. Ооң өөскээн чылдагааны – кижиде. 

Чал-Кежиг суурдан 8 км ыракта черде, Таңдының арга-арыг ажыл-агыйының Элегестиң арга-арыг участогунда 1480 га ниити шөлдүг, ооң 1480 газында арга-арыг өрттү хып турар. Өрттүң өөскээн чылдагааны – кижиде. 

Чадаананың арга-арыг ажыл-агыйының Чадаана арга-арыг участогунда, Бажың-Алаак суурдан 27 км-де, ниити шөлү 630 га черде, ооң 460 газы арга-арыгда, 30 газы тайга бажында, 170 га арга-арыгга хамаарышпас черде өрттер хып турар. Аңаа кижи буруулуг. 

2020 чылда арга-арыг өрттериниң сезону эгелээнден бээр, ниитизи-биле 3679,1 га черге 18 арга-арыг өрттери болганы бүрүткеттинген. Ооң 3453,9 газынга арга-арыгга, 115 гага тайга бажынга, 225,2 га черге арга-арыгга хамаарышпас өрттер болган. 

Арга-арыгга өрттерниң өөскээн чылдагаанын тодарадып көөрге, 16 (88,9 %) таварылгада кижилер; 2 (11,1 %) таварылгада черлерни өске бөлүкче шилчиткени-биле болган. 

Тыва Республиканың девискээринде 2020 чылдың апрель 17-ден май 7-ге чедир өртке удур онза чурумну чарлаан (Тыва Республиканың Чазааның 2020 чылдың апрель 17-де № 170 доктаалы). 

Арга-арыгга өрт айыылының чурумун хажытканы дээш, РФ-тиң административтиг корум-чурум үрээшкиннериниң дугайында хоойлунуң 8.32 чүүлү-биле 14 кижини административтиг харыысалгага онааган.