ТШО шериглери Тываның бир суурунуң чанынга өрттү өжүрген
28.04.2020
Тыва Республиканың Каа-Хем кожуунунуң Бояровка суурнуң чоогунга өрттү Төп шериг округунуң шериглери өжүрүп, отка моондак кылдыр 9 км черде дилендекти каскан.
Черни чарып касканы бажыңнарынче өрттүң шилчиирин соксадып, чылгы оъттаар одарны оттан камгалаан. Шериглер ниитизи-биле 3,5 муң дөрбелчин метр шөлде дилиндектерни чарган.
Төп шериг округунуң Хакас Республикада демир-орук бригадазының Б-170 ийи бульдозерин Тываже немей октап, ажылды дүргедеткен.
Тываның чонунга арга-арыг өрттери-биле демисежиринге дуза кылдыр ТШО 100 шериг албанныгларын хаара тутканын дыңнатканын сагындыраал. Округтуң шериг командылакчызы, генерал-полковник Александр Лапин Тыва Республиканың Баштыңы Шолбан Кара-оолдуң дилээнге ындыг шиитпирни үндүрген. Агаардан өрттү өжүреринге Ми-8 "Терминатор" АМТШ вертолетту ажыглап, Каа-Хем биле Таңды кожууннарда хып чыдар өрттерни өжүреринге ийи хүн иштинде 80 ажыг тонна сугну кырындан чашкан.
Возврат к списку
|