Закрыть
Логин:
Пароль:
Забыли свой пароль?
Войти    

«Туран» сыын ажыл-агыйының ажылы үре-түңнелдиг

«Туран» сыын ажыл-агыйының ажылы үре-түңнелдиг 04.03.2020
“Чаңгыс суур – чаңгыс бүдүрүлге” губернатор төлевилелиниң киржикчизи “Туран» сыын ажыл-агыйы” КУБ 2019 чылда бүдүрүлге чорудуунуң хемчээли-биле эки көргүзүглерни чедип алган деп, Тыва Республиканың Экономика яамызының сайтызында айыткан. 
2013 чылда тургустунган ажыл-агый сыындан алган продукция аймаан – бальзам, суук пантогематоген, хеңмелээн болгаш ыштаан сыын эъди дээш, өске-даа кылыгларны чурттакчы чонга саарып турар. 2019 чылда 470 кг пантопродукция аймаан бүдүрүп, 2018 чылдагы – 360 кг продукция бүдүрген көргүзүүн 110 кг ажып, планын 130,5 хуу күүсеткен. 
Ажыл-агыйның турисчи угланыышкыны база чедиишкинниг чоруп турар. Бо хүнде ажыл-агыйда 820 баш сыын бар. 2018 чылда 2937 кижи дыштанып келген болза, 2019 чылда дыштаныкчыларның саны 5335 кижи четкен.
«Туран» сыын ажыл-агыйы - Россияның 6 регионунда ындыг угланыышкынныг 8 бүдүрүлгениң бирээзинге хамааржыр хөй угланыышкынныг бүдүрүлге болур.

Возврат к списку