Кызыл хоорайның кудумчуларында 12 участокта кижилер эртер черлер чоогун чаартыр

2019 чылда ол программа-биле республиканың найысылалы Кызыл хоорайның девискээринде өөредилге черлериниң чоогунда 7 объектиниң 3442,0 дилиндек метр черинде чадаг кижилер оруун чаартып, 19 светофорну эде таарыштырган. 

 2020 чылда найысылалдың дааразында участоктарында 4500,0 д.м. чадаг кижилер оруунга чаартылгаларны кылыр: 

 Кызыл хоорайның Калинин, Межмикрорайонная кудумчуларда; 

Кызыл хоорайның Кочетов, Дружба - Каа-Хем кудумчуларда; 

Кызыл хоорайның Рабочая - Пушкин кудумчуларда; 

Кызыл хоорайның Кочетов – Эки турачылар кудумчуларда; 

Кызыл хоорайның Калинин - Московская кудумчуларда; 

Кызыл хоорайның Рабочая - Интернациональная кудумчуларда; 

Кызыл хоорайның Салчак Тока кудумчузунда 3 дугаар бажыңга удур; 

Кызыл хоорайның Рабочая кудумчузунда 246 дугаар бажыңга удур; 

Кызыл хоорайның Салчак Тока кудумчузунда 12 дугаар бажыңга удур;  

Кызыл хоорайның Салчак Тока кудумчузунда 40 дугаар бажыңга удур;  

Кызыл хоорайның Рабочая - Гагарин кудумчуларда;

 Кызыл хоорайның Дружба кудумчузунда 21 дугаар бажыңга удур. 

Орук шимчээшкининиң бөдүүн дүрүмнерин сагып, хоруглуг черден кижилерниң эрттерин кызыгаарлаар дээш ону кылып турар. Өөредилге черлериниң чанында, чадаг кижилер эртер черлер чоогунда белдирлерге чолдак херимнерни эптээр.

 ОШАЧКИ-ниң айтып бергени езугаар, автомобиль шимчээшкини хөй, чадаг кижилер аргыжылгазы улуг черлерде ону тургузар. Орук шимчээшкининиң айыыл чок чоруунуң стандарттарынга дүүштүр ындыг херимнерни шилээн. 

 Оон аңгыда, назы четпээн өөредилге черлеринге орукка канчаар алдынарының эге билиглерин оюн хевирлиг эрттирери-биле чырык удур эң көскү 10 муң кожааларны база 4 дериг-херекселди 2020 чылда бээр. 

 “Орук шимчээшкининиң айыыл чок чоруун экижидери” программаның дирекциязы ону кылыр тудуг организациязын тодарадыр дээш электроннуг садыглажылганы эрттирген. Аңаа «Вектор» КХН тиилээн.