Аныяк активчилер Тываның Баштыңының айыткалында боттарынга ажыктыг дыка хөй арга-хевирлерни тыпкан

Тываның Баштыңы Шолбан Кара-оол декабрь 12-де Тыва Республиканың Дээди Хуралынга чылдың-на бээр айыткалын кылган. Аңаа чазак кежигүннери болгаш парламент депутаттары, муниципалдыг тургузуглар удуртукчуларындан аңгыда, эрге-чагырганың федералдыг девискээр органнарының төлээлери, хөй-ниити каттыжыышкыннарының база организацияларның баштыңнары киришкен.

Айыткал таныштырган ёзулалдың киржикчилери программалыг документиге хамаарыштыр үзел-бодалын үлешкен. 

- Айыткалда ортумак өөредилге черлериниң студентилериниң стипендиязын келир чылын 5 хуу өзер деп дыңнадыы меңээ эки медээ болду. Дыка улуг деткимче деп бодаар мен.Айыткалында бир чугула чүүл – аныяк журналистер, блогерлер, медиа адырның төлээлериниң ортузунга «Күзеп бода. Чогаадып кыл. Шимченип эгеле» деп чаа мөөрейни чарлаан. Кажан кижини бичиизинден тура бодандырып, республикавыстың чугула болуушкуннарын чырыдып турар кылдыр чаңчыктырар болза, ол күзээр-күзевес-даа болза, чүгле виртуалдыг делегейде эвес, а анаа-даа чуртталгада ала чайгаар ооң киржикчизи апаар ужурлуг. Мөөрей удуртукчу кадрларны белеткээр системага, “Тываның командазы 2030” лидерлер шуулганынга дыка тааржыр деп бодаар мен. 

Азиана Увангур, волонтер шимчээшкининиң лидери: 

- Тываның Баштыңы айыткалында волентёрлерже кичээнгейни база углаан. “Тиилелгениң волонтёрлары” шимчээшкинниң киржикчизи болганымда, Ада-чурттуң Улуг дайынында тиилелгениң 75 чыл болур юбилейинче Шолбан Валерьевич онза кичээнгейни салганынга дыка өөрүдүм. Аңаа шыңгыы белеткенип турар улус бис, он-он акциялар база хемчеглер эрттер, чоннуң национал байырлалынга бодунуң үлүүн киириринче үе-чергелеримни болгаш күзелдиг-ле кижилерни чалап тур мен. Бисти, волонтёрлерны, күш-ажылывысты үнелеп, деткип турарынга таарзындым. Республика Баштыңы волонтёрлар төлевилелдеринге аңгы-аңгы грантыларны тургусканы, ажылывысты уламчылап, чаа арга-хевирлерни, эгелээшкиннерни кылырынга улуг идигни берип турарын демдеглейн.