Закрыть
Логин:
Пароль:
Забыли свой пароль?

Войти    

Тываның Баштыңы найысылалда автомобиль шимчээшкинин чурумчударын негээн

Тываның Баштыңы найысылалда автомобиль шимчээшкинин чурумчударын негээн 05.06.2018
Тываның Баштыңы Шолбан Кара-оол, республиканың найысылалы Кызылда, автомобиль шимчээшкинин чурумчударын негээн. 
Хоорай мэриязының база автоинспекцияның мурнунга ындыг айтырыгны ол салган. Ооң бодалы-биле алырга, айыыл чок шимчээшкинни, чадаг кижилерге болгаш чолаачыларның боттарынга таарымчалыг транспорт агымының угланыышкынын тургузар дээш, боданыр херек. Ылаңгыя чайгы үеде, хөй кижилер база республиканың аалчылары чыылган массалыг хемчеглер үезинде, дыка херек.
 «Кызылдың төвүнде автотранспорттуң хөйү, каракка илдиге бээр. Төпте машиналар тургузар черлерни эде көөрүн мэрия биле ОШАЧКИ-ге сүмеледим. Транспорт агымын чурумчудуп алыры бистиң боттарывыстың-на айыыл чок база таарымчалыг чоруунга херек. Ооң кадында, чайгы үеде чадаг кижилерниң, ылаңгыя уругларның шимчээшкини көвүдээр. Машина турар черлерни, шимчээшкинни таптыг аайлап, автомобильдиң дыкпыш турарын эвээжедир» - деп, Тываның Баштыңы аппарат хуралында чугаалаан.

Возврат к списку