Тываның Дээди Хуралының депутады Василий Оюн 2017 чылда Чазак отчедунуң дугайында: сорулгаларын күүсеткен

 Тываның Баштыңы Шолбан Кара-оол Дээди Хуралга 2017 чылда республика чазааның ажыл-чорудалгазының дугайында отчетту берген. Апрель 19-та, Парламентиниң ээлчеглиг VIII сессиязында, илеткелди кылган. Депутаттар регион баштыңының илеткелинге хамаарыштыр бодалын илереткен.

 - Бөгүн Чазак отчедун дыңнап, ону хүлээп алдывыс. Эрткен чылдың түңнелдерин сайгарып көөр чүве болза, мурнувуста сорулгалар ниитизи-биле эки күүсеттинген деп санаар бис. Ниитилелде социал турум чорук тургустунган, экономиканың хөгжүлдезин хандырган. Айтырыглар черле турар. Ажыл чок чорук, чурттакчы чоннуң эвээш орулгазы – кол айтырыглар ында. Чазак ол айтырыгларны, чижээ ажыл чок чорукту эвээжедир дээш мурнунда сорулгаларлыг ажылдап турар. Бир эвес хандыр касканнаныр болза, чедир шиитпирлеттинмээн айтырыглар ам-даа хөй. Хөйнү кылыр болзуңза-ла, айтырыглар оон-даа көвүдээр. Чазак демнежип ажылдаар хөөннүг. Боттарындан негелдени кылып турары эң кол-дур. Боттарынга-даа, кадрларынга-даа негелдени шыңгыыраткан. Кижилер дээш ажыл үре-түңнелди бээр кылдыр.