Тываның муниципалитеттеринде бюджет адырының ажылдакчылары июнь 1-ге чедир «Мир» карталарын алыр

«Национал төлевир системазының дугайында» хоойлу 2018 чылдың июль 1-ге чедир бюджет адырының шупту ажылдакчылары национал төлевир хевиринче шилчиирин айыткан. Тываның муниципалдыг тургузугларында шилчилгелиг үе бир ай бурунгаар – июнь 1-де доостур ужурлуг.  

Республиканың Чаа-Хөл биле Бии-Хем кожууннарында «Мир» карталарны тыпсыры шалыпкын чоруп турар. А арткан муниципалитеттерде ажыл уламчылавышаан: банкылар төлээлери организацияларга келгеш, бюджет адырының ажылдакчыларынга чаа карталарны тыпсып турар. Хамаатылар банкыларже барып, артык үе чарывызы эптиг. Өвүр биле Бай-Тайга кожууннарда карта бээриниң айтырыын онза кичээнгейге алыр. 

Россияның банкызының Сибирьде кол эргелелиниң Тыва Республикада салбыры - Национал банкының медээзи-биле алырга, республиканың бюджет адырының ажылдакчыларының үштүң ийи кезии национал төлевир системазының карталарын холда алган.  Чүгле февральда Тывада садыглар болгаш хандырылга пунктуларынга санажыр дээш 310 муң катап картаны ажыглаан. 

«Мир» национал төлевир картазын үезинде ап алыр болза, каш хонук артканда ону алыр дээш банкыларга үр оочурлап турбазын билзе чогуур. 

 Россия Федерациязының Төп банкызының Сибирьде кол эргелелиниң Тыва Республикада салбыры - Национал банк.