Тываның Чонну ажылга хаара тудар төптери амгы үениң «Катарсис» программа комплекизинче шилчээн

Тываның чонну ажылга хаара тудар төптери «Катарсис» программа комплекизиниң амгы 8-ки хевиринче 2018 чылда шилчээн. 

Комплекс республиканың чонну ажылга хаара тудар шупту албаннарының чаңгыс аай ажылын хандырып, хуу херектер, организациялар, вакансиялар, өөредилге-бүдүрүлге баазаларының, керээлерниң регион банкыларын on-line чурумга тудуп, хамаатыларга болгаш организацияларга күрүне ачы-дузаларын бээрин хандырар.  

Программаның чогаадыкчызы болур «Катарсис» санкт-петербургчу компания, марттың 28-тен, кожууннарда чонну ажылга хаара тудар төптерниң ажылдакчыларын программа комплекизиниң чаа хевиринге ажылдаарын өөредип эгелээн. Үш хонуктуң курстарын эрткен соонда, шиңгээдип алган чүүлүнге бижимел хыналданы эртер.  

«Катарсис» программа комплекизи ажыл дилээн хамаатылар биле ажыл берикчилери бот-боттарын тыпчып алыр арганы бээр. «Катарсистиң» интерактивтиг порталында бүрүткеткен хамаатылар тааржыр ажылчын олутту тып, бодунуң резюмезин чорудуп, социал төлелгелер дугайында дыңнадыгны ап, ажыл берикчизиниң хүлээп алыышкынынга бижидип болур. А ажыл берикчилери бодунуң ээлчээнде, вакансиялар дугайында медээлерни, квота дугайында отчеттарны, күш-ажыл камгалалының талазы-биле отчеттарны, хостаар ажылдакчылар дугайында дыңнадыгларны берип, ажылга тургузар кылдыр чоруткан кандидаттарның дугайында медээлерни алыр.