Закрыть
Логин:
Пароль:
Забыли свой пароль?

Войти    

Кызылдың президентиниң кадет училищезинче дужаап кирер кордакчыларның шилилгези эгелээн

Кызылдың президентиниң кадет училищезинче дужаап кирер кордакчыларның шилилгези эгелээн 22.03.2018
Тыва Республиканың Баштыңы Шолбан Кара-оолдуң даалгазын, РТ-ниң Чазааның 2017 чылдың декабрь 4-те №560-р айтыышкынын күүседири-биле, республиканың школаларында 2018 чылда Кызылдың президентиниң кадет училищезинче дужаап кирер кордакчыларны шилип эгелээн.
КызПКУ-же дужаап кирер шылгалдалар ышкаш шенелделерни 2018 чылдың марттың 20-ден 23-ке чедир чорудар. Кызылдың президентиниң кадет училищези ТР-ниң Өөредилге яамызынга дузаны көргүзер: даалгаларның майыын база өөреникчилерниң ажылдарын үнелээр критерийлерни, күш-культура шылгалдазынга методиктиг сүмелерни бээр.  
Март 20-де муниципалитеттер база школалар-биле видеоконференция харылзаалыг хуралды эрттирген. Өөредилге сайыдының бирги оралакчызы Светлана Ощепкова хыналда шилилдени шынныг эрттирериниң чугулазын демдеглээн. Өскүс болгаш ада-иезиниң хайгааралы чок арткан уругларже, «Өг-бүле бүрүзүнге чаңгыстан эвээш эвес дээди эртемниг уруг» губернатор төлевилелиниң киржикчилеринче, хөй ажы-төлдүг болгаш амыдыралдың берге байдалынга таварышкан эвээш орулгалыг өг-бүлелерден ажы-төлдерже онза кичээнгейни углаар.  
Математика, орус база даштыкы дылдарга, ол ышкаш кандидаттың күш-дамыр болгаш психологтуг белеткелиниң деңнелинге шылгалданы чорудар. Школаларга баштайгы шылгалдалар эрткен соонда, эртемнер аайы билиинде база күш-дамыр болгаш психологтуг белеткелинде четпейн турар чүүлдерни илереткен түңнелдиң анализи-биле кандидаттарның рейтингилиг даңзызын тургузар. 
Өөредилге шынарынга демдек салыр институттуң, Тываның өөредилгени хөгжүдер болгаш мергежил бедидер институттуң, Республиканың немелде өөредилге төвүнүң база «Сайзырал» республиканың психологтуг-эмчи-социал үделге төвүнүң удуртукчулары болгаш специалистери төнчү хыналда шылгалданы эрттирериниң база ооң түңнелдериниң дугайында отчетту тургузарының, шылгалданы эрттирер хевириниң дугайында база контроль-хыналда материалдарының тускайлаңын, демдек салырының критерийлерин база шылгалданы эрттирер негелделериниң дугайында тодаргай тайылбырларны берген.
Кызылдың президентиниң кадет училищезинче дужаап кирер кандидаттарның часкы өөредилге-белеткел чыыштары школаларга дыштанылга үезинде эртер. 
Тыва Республиканың Өөредилге яамызы.

Возврат к списку