Закрыть
Логин:
Пароль:
Забыли свой пароль?

Войти    

Сергей Белоусов, орукчу: федералдыг деңнелде деткиишкин-биле Тываның Баштыңын СДРА чөвүлелиниң даргазынга соңгаан деп бодаар мен

Сергей Белоусов, орукчу: федералдыг деңнелде деткиишкин-биле Тываның Баштыңын СДРА чөвүлелиниң даргазынга соңгаан деп бодаар мен 06.03.2018
Марттың 2-де Сибирь регионнарының губернаторлары Тываның Баштыңы Шолбан Кара-оолду «Сибирь дугуржулгазы» регионнар аразының ассоциациязының Чөвүлел даргазынга соңгаан. Тываның хөй-ниити төлээлери ол болуушкунга хамаарыштыр бодалын илереткен. 
Сергей Белоусов, Тываның орук-транспорт комплекс яамызының хөй-ниити чөвүлелиниң даргазы:  
- Бистиң Баштыңывысты федералдыг деңнелде деткимче-биле соңгаан деп бодап тур мен. Бисте ниити федералдыг ужур-уткалыг инфраструктура болгаш транспорт төлевилелдери хөй. Аэропортувус, Алтайже орук тудар талазы-биле төлевилелдер, "Кызыл-Курагино" демир-оруу. Федералдыг оруктуң угланыышкыны өскерилген, Хандагайтыда каайлы пунтузунга хөй талалыг эрге-байдалды тыпсыр ажылдар чоруп турар. СФО-нуң регионнары-биле экономиктиг, культурлуг харылзааларны ам-даа улгаттырар арганы Тывага бээри-дир. Президентиниң Сибирьде бүрүн эргелиг төлээзи биле Шолбан Валерьевичиниң ассоциацияның ажыл-чорудулгазы чүгле политиктиг болгаш хөй-ниити органы ышкаш эвес, а экономика болгаш инфраструктура айтырыгларын база хаара тудар ужурлуг дээнинге чөпшээрежип тур мен.

Возврат к списку