Закрыть
Логин:
Пароль:
Забыли свой пароль?

Войти    

Тываның Өг-бүле болгаш уруглар херектериниң талазы-биле агентилел уруглар лагерьлериниң 2018 чылда реестрин бадылаан

Тываның Өг-бүле болгаш уруглар херектериниң талазы-биле агентилел уруглар лагерьлериниң 2018 чылда реестрин бадылаан 01.03.2018
Тываның Өг-бүле болгаш уруглар херектериниң талазы-биле агентилелдиң дужаалы-биле, 2018 чылда уруглар лагерьлерниң реестрин база амыдыралдың берге байдалында уругларның кадыкшылга кампаниязының хемчеглерин акшаландырарынче 30155 муң рубль хемчээлдиг республика бюджединден субсидияны үлээриниң планын бадылаан. 
Тыва Республиканың Өг-бүле болгаш уруглар херектериниң талазы-биле агентилел шугуму-биле реестр езугаар чайгы үеде: Таңды кожуунда «Байлак» биле Мөңгүн-Тайгада «Меңги-Чечээ» лагерьлерге 846 уруг дыштаныр; Эрзин кожуунда майгыннарлыг «Чайлаг» лагери 180 уругну хаара тудар; 1140 уруг хүндүскү 15 лагерьге дыштанырлар.
 Республиканың өг-бүлеге болгаш уругларга социал дузаның дөрт төвүнге хүндүскү лагерьлер чайгы үеде ажылдаар:
— Мөңгүн-Тайга биле Эрзин кожууннарның төптеринге стационар лагерьлер ажылдаар; 
— Кызыл хоорайның төвүнге лагерьни санитарлыг хыналда органнарының түңнели-биле ажыдар; 
— «Социал деткимчениң республика төвү» ТР-ниң КБА-ның салбырын - Тере-Хөл кожуунга муниципалдыг тургузугнуң лагерин ажыдар. 
Часкы, күскү, кышкы дыштанылга хонуктарында хүндүскү лагерьлерге 1905 уругну хаара тудары, электроннуг аукционнардан 994 путевканы садып алыры көрдүнген. Амыдыралдың берге байдалында база хөй ажы-төлдүг база долу эвес өг-бүлелерден ниитизи-биле 5065 уругну 2018 чылда хаара тудар, ооң санында: — хоорайдан дашкаар лагерьлерге 2020 уруг (39,9%) дыштаныр, садып каан путевка-биле 994 кижи.
 Республика иштинде Орленок, Чагытай, Юность, Отчизна, Бельбей, Металлург дээш өске-даа лагерьлерже путевкаларны алыр; — 3045 уругну (60,1%) хүндүскү лагерьлерге хаара тудар.

Возврат к списку