Закрыть
Логин:
Пароль:
Забыли свой пароль?

Войти    

Тываның Баштыңы Күрүне Думазының удуртулгазы-биле бюджет айтырыын чугаалашкан

Тываның Баштыңы Күрүне Думазының удуртулгазы-биле бюджет айтырыын чугаалашкан 02.03.2018
Тываның Баштыңы Шолбан Кара-оол Москвага ажыл-агыйжы сургакчылаашкын үезинде федералдыг удуртукчулар-биле ужуражып, республика бюджединге хамаарышкан база күрүне программаларынга киржири-биле холбашкан айтырыгларны чугаалашкан. 
 Средада, российжи парламентиниң адаккы палатазының удуртукчузу – Күрүне Думазының даргазы Вячеслав Володин, вице-спикер база «Чаңгыс демниг Россия» фракцияның удуртукчузу Сергей Неверов, Күрүне Думазының аппарат удуртукчузу Татьяна Воронова-биле ужурашкан.
«Республиканың инвестиция программаларын база бюджет айтырыын кады олуруп алгаш, чугаалаштывыс. Вячеслав Викторович элээн каш даалгаларны берди, «Чаңгыс демниг Россия» фракцияга оларны ажылдап кылыр бис. Кол объектилеривис – Каа-Хем суурда спортчу-культура төвү, Кызыл хоорайда Аныяктар ордузу, уруглар садтары болгаш школалар, ТИГПИ-ниң оран-савазы, терапия корпузу дээш, тудугларны база чугаалаштывыс. 2018 чылда терапия корпузун, школа биле садикти ажыглалче дужаар ужурлуг бис. Спортчу-культура төвүнүң тудуун шимчедиптеривиске идегеп тур мен» - деп, Шолбан Кара-оол ужуражылганың түңнелин дыңнаткан.
 Республика Баштыңы Күрүне Думазының удуртулгазы Тываның база РФ-тиң субъектилериниң бюджетте бергедээшкиннерин, регионнарның шупту чидиг айтырыгларын ханы билир болгаш, сонуургалдарын камгалаан оларның күжениишкинин идепкейлиг деткииринге белен болганын демдеглээн.

Возврат к списку