Закрыть
Логин:
Пароль:
Забыли свой пароль?

Войти    

Тываның Кадык камгалал яамызы уруглар участоктарының ажылының көргүзүүн үндүрген

Тываның Кадык камгалал яамызы уруглар участоктарының  ажылының көргүзүүн үндүрген 01.03.2018
Тываның Кадык камгалал яамызынга Педиатрлар ниитилелиниң хуралы болуп эрткен. Эрткен чылдың түңнелдери-биле шылгараан уруглар участоктарының эмчилерин база эмчи сестраларын аңаа демдеглеп, шаңнаан. 
Республиканың уруглар эмнелгезиниң конференц-залынга Педиатрлар ниитилелиниң хуралын эрттирген. Тыва Республиканың педиатриязын хөгжүдер чугула айтырыгларны аңаа сайгарган. Чижээ, чаа төрүттүнген чаштарга аудио скринингини эрттирери, назы четпээннерниң профилактиктиг эмчи шинчилгези, чаш болгаш өскүс уругларның диспансеризациязы, Тыва Республикадан дашкаар санаторлуг-курорт эмнээшкининче уругларны шилиириниң чурумун көрген. Специалистер чаңгыс аай күрүне шылгалдаларынга (ЕГЭ) база 2018 чылдың чайгы кадыкшылга кампаниязынга белеткелди база чугаалашкан.  
Тыва Республиканың Кадык камгалал яамызы чаштарның болгаш уругларның чок болурунуң санын кызырар ажылдарны доктаамал чорудуп турар. «Узун назынче орук» төлевилелди боттандырып тура, бо чылдың ол талазы-биле көргүзүглерин база көөр. 2016 чылдың түңнелдери-биле чаштарның болгаш уругларның чок болурун эвээжедир талазы-биле хүлээп алган хемчеглерни база чугаалашкан. Тыва Республикада педиатр участоктарының рейтингизин тургузарда 2017 чылдың көргүзүү салдарлыг болган.  
Республиканың 13 педиатр участоктары эрткен чылдың түңнелдери-биле шылгарап, шаңнаткан. Республиканың уруглар эмнелгезиниң – 14, 22, 26 база 32 дугаарлыг участоктары эки ажылдагларның санында. Кожууннардан: Барыын-Хемчиктиң муниципалдар аразының эмнелге төвүнүң 3, 11 дугаар, Чөөн-Хемчиктиң төп кожуун эмнелгезиниң 2 дугаар, Кызыл кожууннуң төп эмнелгезиниң 1, 6 дугаар, Улуг-Хемниң муниципалдар аразының эмнелге төвүнүң 2, 3 дугаарлыг, Чеди-Хөлдүң төп кожуун эмнелгезиниң 1 дугаар участоктарын онзалап демдеглээн. 
Тере-Хөлдүң төп кожуун эмнелгезиниң педиатр эмчизи Алимаа Каадыр-ооду диплом-биле шаңнаан. Тулган ажылдыг уруглар участоктарының эмчилери база эмчи сестралары чедип алган чедиишкиннери дээш эмнелге албан чериниң удуртулгазындан деткимчени алыр.

Возврат к списку