Тываның Өөредилге яамызы «Артек» уруглар төвүнүң ийиги сменазынче чоруур школачылар делегациязын чыып эгелээн

 Тываның Өөредилге болгаш эртем яамызы 2018 чылдың февраль 18-19-тан марттың 10-11-ге чедир «Артек» бүгү-делегейниң уруглар төвүнүң «Сөстүң экологиязы» II сменазынга киржир өөреникчилер делегециязын чыып турар. 

Чогаалчы база шүлүкчү, чогаал критиги, редактор база корректор, чурукчу база дизайнер, менеджер, маркетолог болгаш режиссернуң ролюнга бодун шенексээн 5-11 класстың идепкейжи оолдар-уруглары аңаа киржип болур.

 «Артектиң» ол сменазы уругларның литературлуг агентилели, уруглар лагерьлери – үндүрүлге черлери, а отрядтар – редакциялар болур. Сменаның киржикчилери автор сөзүглелин база лагерьниң бодунуң номун бижииринге бодунуң күжүн шенээр. Уруглар сөзүглел бижиири-биле кызыгаарланмас. Оолдар, уруглар номнуң дизайны болгаш македи, чуруктарны, буктрейлерни чурууру, номнар рыногунга продуктузун садарының стратегиязын тодарадыры дээш, номга хамааржыр ажылдың шупту чадаларын шиңгээдир. Сменада дыштанып келген артекчилер проза болгаш поэзияның шылгараңгай чогаалдарын сонуургап, сураглыг литературлуг чогаалдарның төрүттүнгениниң дугайында солун фактыларны билип, ооң авторларының салым-чолу-биле таныжып, чогаалчылар болгаш журналистер-биле ужуражыр.

 Сменаның дугайында http://artek.org/zhizn-arteka/change/ сайттан билип ап болур. 89233867421 дугаарлыг телефон дамчыштыр, салым-чаяанныг уруглар болгаш талантылыг аныяктар-биле ажылдың анатилика килдизинден немей тайылбырны ап болур.