Тываның Баштыңы бодунуң оралакчыларынга биче суурларны болгаш ивижи өг-бүлелерни деткиир төлевилелдерни шынарлыг кылдыр ажылдап кылырын айыткан
23.01.2018
Тываның Баштыңы Шолбан Кара-оол бодунуң оралакчылары-биле хуралдааш, чылдың эң кол – биче суурларны база ивижи өг-бүлелерни деткиир төлевилелдери ам-даа чедир кылырын айыткан.
Төлевилелдерни боттандырар тодаргай хөделиишкиннерни болгаш чиге хевирлерни ол негээн.
«Төлевилел дугайында ниити бодалдарлыг, чиге сорулгалыг болгаш тодаргай хуусаалыг болур херек. Саң-хөө-экономика адыры – төлевилелдиң инициатору. Төлевилел офизиниң удуртукчузу О.Д. Натсак О.С. Достай, Е.В. Каратаева база Э.А. Даңзы-Белек-биле төлевилелдиң кол утказын айтыр ужурлуг. База ол ышкаш «Иви ажыл-агый турлааның эт-севи» төлевилелди хевирлээр харыысалганы Б.Н. Монгуш бодунга дагзыр. Аңгы-аңгы яамылар аайы-биле, агроүлетпүр адырынга база, төлевилелди акшаландырарының дөстерин үлээн. Иви ажыл-агыйын деткиири – ол бүгүнүң төнчү сорулгазы болур» - деп, Тываның Баштыңы Шолбан Кара-оол демдеглээн.
Февральдың баштайгы он хонуунда чазактың төлевилел ажыл-чорудулгазын база бо чылдың кол ийи төлевилелин хынаарын Тываның Баштыңы сагындырган.
Возврат к списку
|