Хамаатыларны өскээр көжүрер программа күүселдези-биле Тывада 70 өг-бүле бажыңнарны алган

 Кызылда Убса-Нур кудумчузунда 16, 18 дугаарлыг хөй квартиралыг ийи бажыңче чурттакчылар көжүп кирген. Аварийлиг чуртталга бажыңнарындан хамаатыларны өскээр көжүрер программа-биле 70 өг-бүле чаа квартираларның дүлгүүрлерин байырлыг байдалда алыр аас-кежиктиг болган. 

ТР-ниң тудуг сайыды Евгений Овсянников чаа бажыңнарның чурттакчыларынга байырны чедирген. 

Семирацкий, Паротурбинная, Лопсанчап, Новоселов кудумчуларда база Медицинский белдиринде аварийлиг бажыңнарда чурттакчылар декабрьның 28-те Дружба кудумчузунда 30 база 32 дугаарлыг хөй квартиралыг бажыңнарже көжүп кирери планнаттынган.