«Кадыкшылдың оруу» губернатор төлевилелиниң 10 айларда ажылы

Тускай мергежилдиг специалистер 6900 кижини шинчип, 557 маммография, 1200 ажыг УЗИ шинчилелдерин чоруткан. 

Шинчилел эрткен кижилерниң 28,2 хуузу кадыының аайы-биле бирги, 30,9 хуузу ийиги, 40,8 хуузу үшкү бөлүкке хамааржырын тодараткан. 

Чурттакчы чонга эмчи дузузын көргүзери-биле даразында тускай мергежилдиг эмчилерни: акушер-гинеколог, офтальмолог, невролог, кардиолог, травматолог-ортопед, эндокринолог, оториноларинголог, онколог, эндоскопист, терапевт база УЗИ шинчилелиниң эмчизин хаара туткан. Шинчээн соонда беш аарыг кижини бедик технологиялыг эмчи дузазын алыр кылдыр чоруткан. Ол аарыг кижилерниң үжү чүрээ кемниг, бирээзиниң чүрээниң шыңганнары, бирээзиниң караны шоо баксыраан. Кожууннуң төп эмнелгезинге чыдып эмнедир кылыр 114 аарыг кижини чоруткан. Республиканың аңгы-аңгы эмнелге албан черлеринге немелде шинчилелдер эртер бижикти 674 кижиге берген.