Тываның Баштыңы губернатор-блогерлер рейтингизинде баштайгы 10-нуң санында
25.09.2017
Август айның түңнелдери-биле, российжи регионнарда боттарының блогтарын чорудуп турар баштыңнарның эң бажында 10 кижи санынче Тываның Баштыңы Шолбан Кара-оол кирген.
Рейтингиниң бирги одуруун Чечен Республиканың Баштыңы Рамзан Кадыров элээн, ол аңгы-аңгы болуушкуннарга хамаарыштыр үзел-бодалын Instagram-да бодунуң арынында доктаамал бижиир. Российжи найысылалдың мэри Сергей Собянинде - мөңгүн. Крымның баштыңы Сергей Аксенов үш тергииннерниң санында. Краснодар крайның баштыңы Вениамин Кондратьев дөрткү черде. Олар шупту эрткен айга деңнээрге туруштарын өскерткен.
Топ-10-нуң санында Рашид Темрезов (Карачаево-Черкесия), Рустам Минниханов (Татарстан), Шолбан Кара-оол (Тыва), Юнус-Бек Евкуров (Ингушетия) база Александр Козлов (Амур область) олар бар. «Медиалогия» рейтингизин РФ-тиң субъектизиниң баштыңының бижээни бижимелдерин, ооң салдарлыы, ссылкаларның санын көрген индекс езугаар үндүрер.
Возврат к списку
|