Регионнуң Баштыңы: Моолче электри энергиязын киирери Тывага чырык өртээн чиигедир

 ВЛАДИВОСТОК, 6 сентября. /ТАСС/. Владивистокка Чөөн чүктүң экономиктиг шуулган ажылының үезинде болуп эрткен «Россия-Моол» деп «төгерик столда» регионнуң баштыңы Шолбан Кара-оол Тыва тавартыр Моолче чырык шугумун шөйери – республиканың хереглекчилеринге чырык өртээн чиигедир арганы бээрин чугаалаан.  

 "Саян-Шушенское энергетика белдиринден Тыва тавартыр Россия, Моол, Кыдаттың аразында энергия дамчыдылгазының шугумун шөйери - республиканың чырык хереглекчилеринге электри энергиязынга өртекти эвээжедир» - деп, Кара-оол чугаалаан.  

 Ооң мурнунда "Россеть" компания Сибирьде генерация күчүзүнден 1 ГВт электроэнергияны Моолче немей дамчыдарын саналдаан турган. Электри энергиязын үндүр садарынга транзит регион Тыва бооп болурун ынчан дыңнаткан.

 Сентябрь 6-7-де Владивостокка Чөөн чүктүң экономиктиг үшкү шуулган болуп эрткен. ТАСС агентилели Чөөк чүктүң экономиктиг шуулганы-2017-ниң инвестиция төлевилелдерин таныштырар зонаның модератору, албан езузунуң фотохост-агентилели, чиңгине информастыг партнеру кылдыр санадыр.