Тыва: бизнези болгаш турисчи курлавыры

 - Биче бизнести хөгжүдериниң талазы-биле көөр болза, Тыва солун регион. 2014-2015 чылдарда регион аныяктарның сайгарлыкчы чоруун сайзырадыр программаларны боттандырып эгелээн. Ооң ачызында республикада элээн каш компаниялар: хуу уруглар садтары, турисчи агентилелдер, кафелер ажыттынган. Тываның бизнези регион чергелиг боду ылгалдыг – республикаже турисчи улуг агымны эккээр дээрге, транспорт инфраструктуразы кошкак. Ынчангаш дыка хөй туристерге ол шаптыктап турар. 

 Тыва – туристерни сорунзалаптар чараш черлери хөй, арыг агаар-бойдустуг регион. Тыва 2014 чылда турисчи ылгавыр демдээн чогаадып алган (регионнуң овур-хевиринге даянып «Тыва – ужур-чаңчылдарның чурту» графиктиг демдекти кылган – ред. тайыл.) 2015 чылдың күзүнүнде эрткен «Евразияның интеллектуалдыг алдыны» делегей шуулганының үезинде, элээн каш даштыкы чурттардан эксперттер аныяктар политиказында болгаш бизнесте өзүлдениң точкаларын айыткан. 

 Тыва республиканың аныяктары социал төлевилелдерни болгаш биче компанияларны шапкын сайзырадып турар. Россияда биче сайгарлыкчы чорукту хөгжүдер талазы-биле федералдыг программаның эксперттери регионнуң аныяктар политиказының яамызы-биле кады аныяктарның сайгарлыкчы чоруун сайзырадырының элээн каш өөредилге программаларын ажылдап кылгаш, оларны организастап эрттирген. Тываның «Бизнес-инкубаторунда» база Садыг-үлетпүр палатазында өөредилге хемчеглери доктаамал эртип, оон тус черниң сайгарлыкчылары федералдыг адырлар эксперттеринден консультацияларны ап турарлар. 

 Практиктиг дуза тус черниң бизнесменнеринге биче бизнести деткип база хөгжүдеринге салдарлыг. Оон аңгыда, Тываның сайгарлыкчыларынга Россияның регионнарынче, Моолче болгаш өске-даа чурттарже бизнес-турлар база стажировкаларны доктамал организастап турар. 

 Сөөлгү чылдарда Тывада бүдүрүлгелерниң саны көвүдээн, сервистиң шынары экижээн. Тус черниң сайгарлыкчыларының чедиишкинин федералдыг деңнелде база демдеглээн. Федералдыг программалар эксперттери-биле республика чазааның моон-даа соңгаар сырый кады ажылдажылгазы боттандырар программаларның санын ам-даа көвүдедир. Тываның биче бизнезинде сайзырап, өзериниң аргалары дыка хөй. Республикада биче бизнестиң тургузуушкунунга «Енисей меридианы» төлевилелдер, база ол ышкаш Барыын база Соңгу чүкче демир-орук коридорлары улуг рольду ойнаар ужурлуг.