Август 25-27 хүннеринде, Кызыл хоорайда И.Ярыгин аттыг спорт комплекске, «Тыва-Экспо-2017. Күс» регионнар аразының XVIII универсалдыг делгелге-ярмарказы болуп эртер
23.08.2017
Москва, Санкт-Петербург хоорайлардан, Алтай база Красноярск крайлардан, Кемерово, Новосибирск база Томск областардан, Хакас база Тыва республикалардан 70 ажыг компаниялар болгаш сайгарлыкчылар боттарының барааннарын делгеп, ачы-дузазын бараалгадыр.
Делгелге И.Ярыгин аттыг спорт комплекизинге ажылдаар болгаш, август 27-ге чедир үргүлчүлээр. Тыва Республиканың коллективтиг экспозициязын школачы хеп болгаш кадык чемненилге продуктулары бүдүрүп турар тус черниң бараан бүдүрүкчүлеринден тургускан.
«ТЫВА ЭКСПО» үш улуг кезектен тургустунар - «Тудуг. Энергетика. ЧКА», «Чоннуң хереглел барааннары, ачы-дузалар» база «Аъш-чем продуктулары». Делгелге-садыглаашкын үлетпүр адырының – тудуг, ЧКА, энергетика, IT-технологиялар, автосервис, АҮК специалистерин, боттарынга хереглел барааннары, идик-хептен эгелээш, араттарының бүдүрген тыва чемнерин сонуургап келген чонну хаара тудар.
Делгелгениң шылгараңгай киржикчилерин дипломнар болгаш шаңналдар-биле демдеглээр.
Тус черниң бараан бүдүрүкчүлерин деткиир кылдыр делгелгеже республика найысылалының чурттакчыларын болгаш аалчыларын чаладывыс. Делгелге хүннүң-не 10 шактан 19 шакка чедир ажылдаар.
Делгелгениң организатору – Тыва Республиканың Экономика яамызындан билдинмес чүүлдерни айтырып болур. Телефону - 2-17-67.
Возврат к списку
|