Закрыть
Логин:
Пароль:
Забыли свой пароль?

Войти    

Россияның Президентизи Владимир Путин база катап Тывага дыштанган

Россияның Президентизи Владимир Путин база катап Тывага дыштанган 07.08.2017
 РФ-тиң Президентизиниң парлалга-секретары Дмитрий Песков пятницада журналистер-биле ужурашкаш, Владимир Путин кыска шөлээзин канчаар эрттиргенин дыңнаткан. Күрүне Баштыңы ийи хонукту Тывага эрттирген. 
 Камгалал сайыды Сергей Шойгу база Тыва биле Хакас республикаларның баштыңнары – Шолбан Кара-оол биле Виктор Зимин ону үдеп чорааннар. Путин шөлээзиниң ол ийи хонуунда дагларга квадроциклге чоруп, эштип, хүнге дөгээленип, салдарга аай-дедир эжиндиргенин Песков чугаалаан. Владимир Путин ийи хире шак дургузунда суг иштинге шортаннар аңнап турганын база сонуургаткан. 
 «Сугга кедер тускай костюм кедип алгаш, суг иштинге балыктап, аңнаан. Ооң арнында масказынга GoPro камераны быжыглаан, шортаннар аңнап турганының онзагай чуруктары бар» - деп Песков чугаалаан. Президентиниң дыштанылгазының дугайында видеоролик удавас үнүп эгелээрин парлалга-секретары дыңнаткан. 
 «Звезда» телеканал.

Возврат к списку