Тывада 2017 чылда эжиндириишкинниң хуусаазын тургускан
11.05.2017
Республиканың Чазаа «2017 чылда биче хемчээлдиг хемелерни эжиндирип эгелээриниң болгаш доозарының хуусаазының дугайында» айтыышкынны бадылаан.
Ында майның 15-тен ноябрь 1-ге чедир эжиндирер хуусааны айыткан. Ол үе четпээнде, сугже үнери хоруглуг. Хоруглуг үеде чүгле тускай - корум-чурум, контроль-хайгаарал, камгалал болгаш бойдус камгалаар ажыл-чорудулгалыг хемелер эжиндирип болурун биче хемчээлдиг суднолар талазы-биле күрүне инспекциязы тайылбырлаан.
Арткан судноларның ээлери чурумну хажыткан таварылгада, 500-ден бир муң чедир рубль торгаалга онаажып болур. Улуг-Хемниң суу көдүрлүп база суг үери бооп болурунуң айыылы бары-биле биче хемчээлдиг судноларны ажыглавазын специалистер хемелер ээлеринге сагындырган.
Возврат к списку
|