Республиканың Чазаа 2016 чылда ажыл-чорудулгазының түңнелдерин чонга илеткээр
24.04.2017
Күүсекчи эрге-чагырга органнарының 2016 чылда ажыл-чорудулгазының түңнелдериниң дугайында республиканың Чазааның отчеттуг кампаниязы апрель 21-ден эгелээн.
Тываның Баштыңы Шолбан Кара-оолдуң даалгазы-биле ооң оралакчы даргалары болгаш сайыттар бо неделя дургузунда эрттирер хөй-ниити-биле ужуражылгаларга чүнү кылганын илеткээр, чурттакчыларның айтырыгларынга харыылаар, чоннуң шүгүмчүлелдиг саналдарын дыңнап, киирген санал-оналын кичээнгейге алыр.
Күүсекчи эрге-чагырга бодунуң ажыл-чорудулгазының түңнелдерин регионнуң парламентизинге – Дээди Хуралга чылдың-на таныштырар дугайында хүлээлгези Тываның Конституциязында көрдүнгенин сагындыраал. Депутаттар мурнунга отчеттуң мурнунда күүсекчи эрге-чагырга чурттакчы чон-биле дорт чугаалажырының аргазын республиканың Баштыңы практикаже киирген.
«Бистиң сорулгавыс – кылып турар ажылывыска чөптүг үнелээшкинни чондан алыры, ол кижилерниң күзел-бодалдарынга харыылап турар дээрзин билип алыры, күжениишкиннеривисти болгаш акша-хөреңгивисти каяа киириштирери эргежок чугула дээрзин тодарадыры» – деп, Шолбан Кара-оол санап турар. Ужуражылгаларга киришкен чурттакчыларның чугула чагыгларының даңзызын тургузар. Оларга даянып, күүсекчи эрге-чагырга органнарының ажылының уг-шиин тодаргайлаар.
Возврат к списку
|