Тываның үлетпүр бүдүрүлгези 2016 чылда ортумак российжи көргүзүгнү ашкан
08.04.2017
2016 чылда Тываның үлетпүр бүдүрүлгези 5,3 хуу, азы российжи ортумак көргүзүгнү 1,1 хуу ашкан.
Эрткен чылда республиканың социал-экономиктиг хөгжүлдезиниң түңнелдерин ТР-ниң Экономика яамызы республика чазаанга таныштырган. Үлүтпүр бүдүрүлгезинде өзүлдени тывыш адыры – хөмүр-даш бүдүрүлгелери хандырган.
2015 чылга деңнээрге, хөмүр-дашты 28,5 хуу хөй казып тыпкан. Республиканың экономика сайыды Елена Каратаева, 2016 чылда Тываның хөмүр тывыжының бүдүрүлгелери ниитизи-биле 1,3 млн. тонна ажыг хөмүрнү касканын дыңнаткан. Хөмүр-даш чыдынын шахта аргазы-биле 2014 чылда казып эгелээн «Межегейхөмүр» компанияның бүдүрүлгези продукцияның хемчээлин бир дугаар көвүдедип, кол хөмүр тывыкчызы – Тываның даг-руда компаниязында чедер деп барган.
Тываның тывыш адыры ниитизи-биле 110,4 хуу бедик көргүзүглерни чедип ап, РФ-те ортумак көргүзүгнү (102,5 хуу) ашкан.
Возврат к списку
|