Тыва – Россияның чогумчалыг беш регионунуң санында
06.04.2017
Тыва тус чер-даа, федералдыг деңнелде-даа чурттакчы чоннуң талазындан эрге-чагыргага удурланган кыйгырыглар чок 5 российжи регионнуң санынче кирген. 2018 чылда болур соңгулдалар мурнунда, Mindscan компанияның чоруткан шинчилелдериниң түңнелдери ону бадыткаан.
РФ-тиң кайы-бир субъектизинде оппозисчи чоруктуң деңнелин илередирде, 2017 чылдың январь 1-де регионда соңгукчуларның санынга оппозиция төлээлериниң талазы-биле «Яндекс» системазындан дашкаар дилээшкиннерге онааштыр ону санаанын, рейтингиниң тургузукчулары тайылбырлаан.
Бо хүннүң байдалы-биле, Санкт-Петербург, Москва база Нижегород областары рейтингиде эң-не оппозисчи регионнар кылдыр кирген. А Ненец база Чукот автономнуг округтар, Еврей автономнуг область, Ингуш база Тыва республикаларда эң чогумчалыг деп, компанияның сайтызында айыткан.
Возврат к списку
|