Тывада даг-адыгжы бригаданың баазазында мобилизация курлавырын тургускан

 Курлавырда шериг албанныгларга кол ажылындан үнмейн, Тываның 55-ки мото-адыгжы (дагжы) бригадага ажылдаар арганы сүмелеп тур.

  Шериг албанын эрттирип каапкан регион чурттакчыларындан мобилизация курлавырынче шилилдени эрттирерин республиканың шериг комиссариады чарлаан. Кызылдың, Кызыл, Бии-Хем, Таңды, Улуг-Хем база Чаа-Хөл кожууннарның шериг комиссариаттарында шилилде ажылдар эгелээнин Тываның шериг комиссариады Юрий Марков дыңнаткан.

 Разведчик, адыгжы, пулеметчик, сапер, радиотелефонист база чолаачылап шериг хүлээлгезин эрттирген, 42 хар чедир назылыг, курлавырда солдаттар азы сержантылар күзели бар болза, билдириишкинии киирип болур. Курлавырже кирер кандидат шериг-учетта мергежилиниң аайы-биле эмчи болгаш күш-шыдалы профессионал-психологтуг негелделерге дүүшкен турар. Курлавырда киргениниң дугайында бригаданың командириниң адындан үш чылдың бирги керээзин Камгалал яамызы-биле чарар. Чаа керээни 3 база 5 чылдарда азы курлавырга турар хар-назының үстүкү хемчээлинге чедир, эвээш хуусаага чарып болур.

 Курлавырда турган үезинде ол кижилерни акша компенсацияларлыг шериг чыылдаларынче ай санында база чылда эртер белеткел кичээлдерже хаара тудар. Шериг мергежили база эргезиниң аайы-биле шалың хемчээлиниң 12 хуузу хире хемчээлге ай санында төлевирлерни төлээри көрдүнген. Шериг чыылдаларының үезинде бүдүн шалыңны төлээр. Оон аңгыда курлавырга турган үезинде, ай санының немелде хууларын база район коэффицентизин төлевирлерже киир санаар. 

 Курлавырда шериг албанныг кылдыр керээ чарар күзелдиг кижилер учетта турары шериг комиссариаттарынга баар.