Тываның Экономика яамызы кожууннарже бизнес-десантыларны чорудар

 Тыва Республиканың Экономика яамызы сайгарлыкчы ажыл-чорудулгаже чурттакчы чонну хаара тудары-биле «БИЗНЕС-ДЕСАНТ» информастыг-үнүүшкүн кампаниязын эгелээн. Төлевилел 4 ай (февраль, март, апрель, май) үргүлчүлээр. 

 Үнүүшкүннерни ийи бөлүке чарган: 

 1) бизнес-тренерлер; 

 2) бизнес-информаторлар.

  Тыва Республиканың аныяк сайгарлыкчылары болгаш билдингир кижилери «Бизнес-тренерлер» бирги бөлүкте кирген болгаш, бизнести чаа ажыдар деп турар, эгелеп чоруур сайгарлыкчылар-биле арга-дуржулгазын солчур.  

 Тыва Республиканың сайгарлыкчы чорукту деткиир инфраструктуразы: Федералдыг үндүрүг албанының Тыва Республикада эргелели, Тыва Республиканың Сайгарлыкчы чорукту деткиир фондунуң МКК, Тыва Республиканың Көдээ ажыл-агый болгаш аъш-чем яамызы, Тыва Республиканың Күш-ажыл болгаш социал политика яамызы, Тыва Республиканың Экономика яамызы «Бизнес-информаторлар» деп ийиги бөлүкте кирген.

 Чурттакчы чонга бизнести ажыдып база чорударынга оларның көргүзүп турары күрүне деткимчезиниң, үндүрүг чиигелделериниң дугайында тайылбырларны лекцияларда бээр. ТР-ниң Экономика яамызы, «ТР-ниң Бизнес-инкубатору» КБА база Тыва Республиканың муниципалдыг тургузуглар чагыргалары - төлевилелдиң организаторлары. 

 «БИЗНЕС-ДЕСАНТ» кожуун бүрүзүнге-ле ийи катап чедер. Чижээ, Чеди-Хөл кожууннуң Хову-Аксы суурга «Бизнес-тренерлер» бирги бөлүк февраль 7-де чедер болза, «Бизнес-информаторлар» ийиги бөлүктүң үнүүшкүнүн февраль 21-де планнаан.