Тываның Баштыңы «Чаңгыс демниг Россия» партияның XVI отчет-соңгулдалыг съездизинге киржир
20.01.2017
Тываның Баштыңы, партияның Дээди Чөвүлелиниң кежигүнү Шолбан Кара-оол, январь 21-22 хүннеринде Москва хоорайга эртер, «Чаңгыс демниг Россия» партияның XVI отчет-соңгулдалыг съездизинге киржир. Съездиге беш чылдың ажылдарының түңнелдерин үндүрүп, келир үениң сорулгаларын, айтырыгларын база ажыл планын тургузар.
«Чазак кежигүннери-биле кады, эксперттер-биле кады, бистиң эге база тус чер салбырлары-биле кады чеди дискуссия шөлдеринге сайгарылганы кылыр бис: салдынган сорулганың чедиишкини дээш чүнү кылган бис, кыска хуусаада база кедизинде узун хуусаада чүнү кылыр ужурлуг бис» - деп, «Чаңгыс демниг Россия» партияның Чиңгине чөвүлелиниң секретары Сергей Неверов журналистерге чугаалаан.
Партияның программазының кезектери-биле шөлдерни адаан: «Күрүнениң шынары», «Өзүлде болгаш чаагай чоруктуң экономиказы», «Социал политика», «Угаанныг күш болгаш культурлуг тергиидел», «Кадык келир үе», «Бодунуң бажыңынга ээ болуру», «Аграрлыг шылгараңгай күрүне».
Съездиниң хүн чурумунда партияның удуртукчу органнарын – Дээди болгаш Чиңгине чөвүлелдерни, Партияның даргазын, Төп контроль комиссиязын соңгууру киирген. Пленарлыг хуралды эгелээр мурнунда, регионнар салбырларының шупту секретарьларының киржилгези-биле Дээди болгаш Чиңгине чөвүлелдериниң съездиниң хүн чурумун бадылаан калбак хуралы болур.
Возврат к списку
|