Тываның Баштыңы үнелиг кадрларны деткиир материалдыг деткимче системазын тургузарын негээн

 Тываның Баштыңы Шолбан Кара-оол үнелиг кадрларны болгаш перспективтиг специалистерге материалдыг деткимче көргүзер системаны тургузары чугула апарган дээрзин чугаалаан.  

 «Республикадан бедик мергежилдиг кадрларның чоруурун болдурбас, медицина, өөредилге болгаш өске-даа адырларда шылгараңгай специалистерниң салым-хуузунга тоомча чок болбаалыңар. Чорудуп алган кижилеривистиң орнун катап тургузуп алыры-биле, материалдыг деткимчениң системазын хевирлээрин диледим. Тывавысты өрү көдүрүп, төрээн республикавыстың ады дээш сеткилинден, карак кызыл ажылдаарынга белен кижилерни деткиир херек» - деп Шолбан Кара-оол чазак кежигүннеринге чугаалаан.