Тываның журналистер эвилелиниң беш кежигүнүнге «Кызыл хоорайның сайзыралынга киирген үлүг-хуузу дээш» медальдарны тывыскан

 Россияның парлалга хүнүнде Кызыл хоорайның мэриязынга «Центр Азии» солуннуң кол редактору Надежда Антуфьеваны, «Ава» солуннуң редактору, хоочун журналист Лидия Иргитти, КТРК «Тываның» хоочуну Александра Монгушту, «Тувинская правда» солуннуң хоочуну фотокорреспондент Владимир Савиныхты, хоочун журналист, фотокорреспондент Виталий Шайфулинни, «Плюс-Информ» солуннуң журнализи Татьяна Рамазанованы «Кызыл хоорайның сайзыралынга киирген үлүг-хуузу дээш» деп медальдар-биле шаңнаан. Шаңналдарны Кызыл хоорайның баштыңы Дина Ивановна Оюн биле Кызыл хоорай мэриниң хүлээлгезин күүседип турар Сергек Сергеевич Хертек тывыскан. 

 Парлалга хүнүнде мэрияның Өөрүп четтириишкин бижиктеринге «Медиа Менеджмент Групп» медиахолдингиниң редактору Айсу Дапы, «Новый Век» телевидеокомпания» АН-ның оператору Алексей Филиппов, «Тыва» КТРК ФКУБ-туң оператору Экер Донгак, «Тыва» КТРК ФКУБ-туң медээлер албанының корреспондентизи Ольга Муллахметова, «Новый Век» телевидеокомпания» АН-ның кол оператору Буян Оюн, «Новый Век» телевидеокомпания» АН-ның кол инженери Белеккей Куулар төлептиг болганнар. «Тувинская правда» солуннуң редакциязы» ТР-ниң КАА-ның корреспондентизи Алдынмаа Тюлюшке Кызыл хоорайның Төлээлекчилер хуралының Өөрүп четтириишкин бижиин база тывыскан. 

 Кызыл хоорайның Төлээлекчилер Хуралы ТР-ниң журналистер эвилелиниң даргазы Эльвира Лифановага, «Голос Азии» радио станцияның кол редактору Ольга Возовикованы, «Плюс Информ» солуннуң корреспондентизи Ирина Качанга, «Тувинская правда» солуннуң кол редакторунуң оралакчызы Саяна Цойга, «Тувинская правда» солуннуң кол редактору Роман Тас-оолга, «Тувинская правда» солуннуң политика болгаш эрге килдизиниң редактору Кирилл Самохваловка, «Шын» солуннуң кол редактору Александр Шоюнга, «Тыва» КТРК ФКУБ-туң чиңгине директору Андрей Чымбага, «Новый Век» телевидеокомпания» АН-ның кол редактору Нана Шангинага Хүндүлел бижиктерни тывыскан.