Тываның Баштыңы Шолбан Кара-оол: «Россияны тамыже киир октаптарын Путин болдурбас»

 2018 чылдың Президент соңгулдаларынга ооң киржилгезиниң дугайында айтырыгга российжи күрүнениң баштыңның харыызы аңаа дыка-ла таарышкан дээрзин Шолбан Кара-оол «ФедералПресске» медеглээн.  

 «Бистиң Президентивис Владимир Владимирович Путинниң парлалга конференциязы дес-дараалашкак, тап-билээ болгаш ханы уткалыг эрткен. Ол чурттуң иштики амыдыралының-даа, делегей айтырыгларының-даа талазы-биле бүзүрелдиг харыыны берген» -деп Шолбан Кара-оол «ФедералПресске» дыңнаткан.  

 2018 чылдың Президент соңгулдаларынга ооң киржириниң азы киришпезиниң дугайында айтырыгга российжи күрүнениң баштыңының харыызы ханы хүндүткелди болдурган деп, Шолбан Кара-оол «ФедералПресске» улаштыр чугаалаан. «Ол дээрге күзээр болзумза, азы күзевезимзе дээрзинге хамааржыр айтырыг эвес, ол дээрге арын-нүүрнүң болгаш чоннуң мурнунга харыысалганың айтырыы-дыр, бүгү чүве ол үеде чуртка байдалдың кандыг болурундан хамааржыр. Россияны тамыже киир идиптерин болдурбас кижи – Путин дээрзин билир бис» - деп, Тываның Баштыңы демдеглээн.