Тывага аваларны болгаш чаа төрүттүнген чаштарны амгы үениң эң-не сөөлгү техниказының дузазы-биле шинчиир

Тываның Чазаа 2013 чылда ие иштинге болгаш чаа төрүттүнген чаштарны шинчииринче  21,9 млн. рубльди угландырар. Тыва Чазак бо хүн Россияның кадык-камгалал яамызы-биле дугуржулгаларның төлевилелин хүлээап алган. Дугуржулга езугаар федералдыг бюджеттен сөөлгү үениң ам-даа төрүттүнмээн болгаш чаа төрүттүнген уругларның төрүмел аарыгларын илередир медицина херекселдерин садып алырынга субсидия көрдүнген. 

Специалистер эрте шинчилге ада-иелерге тодаргай шинчилелдерниң түңнелдеринге үндезилээн шиитпирни хүлээп алырынга болгаш аар аарыгларны эрте дээре эмнеп эгелээринге, азарганчыг чаштың кадыын кадагалаарынга чугула ужур-уткалыг деп санап турар.

Дугуржулга езугаар бедик шынарлыг, ие иштинге шинчилелдер чорударынга немелде херекселдерлиг, өңнүг болгаш 3D режиминге ажылдаар, шинчилгениң түңнелдерин компьютерге анализтээр  ультразвук аппарадын Тываның эмчилери манап турар. Оон аңгыда иелерниң маркерлерин таварыштыр салгал дамчып шилчип болур аарыгларны, ие иштинде төлдүң кулааның дыыжызын хынаар аппаратты алыры көрдүнген.

Мындыг херекселдер чүгле шинчилгениң бедик шынарлыын эвес, а аарышкылыг эвес болурун специалистер демдеглеп турар. Манап турар херекселдер келирге республикага эмчи-генетиктиг лабораторияны тургузары көрдүнүп турар.