Хөй талалыг ажыл-чорудулгалыг четкилерни хөгжүдер талазы-биле Тыва тергиин «чээрбиниң» санында
07.12.2016
РФ-тиң Экономиктиг хөгжүлде яамызының квартал санында рейтингизиниң түңнелдерин алырга, Тыва хөй талалыг ажыл-чорудулгалыг төптерни (МФЦ) хөгжүдер база күрүне болгаш муниципалдыг ачы-дузаларже электроннуг арга-биле чурттакчы чоннуң кирерин калбарткан эки ажылдыг 20 регионнуң санынче кирген.
Декабрьның 1-2-де Воронеж хоорайга, хөй талалыг ажыл-чорудулгалыг төптерниң (МФЦ) бүгү-российжи шуулганынга рейтингиниң түңнелдерин чарлаан. РФ-тиң Экономиктиг хөгжүлде яамызының рейтингизинде, 2016 чылдың бирги кварталында Тыва 41 санга көдүрлүп, РФ-тиң 86 субъектизиниң аразында 20-ги черни ээлээн.
Рейтингини тургузарда, чурттап турар черинден «чаңгыс соңгадан», МФЦ-тен база, күрүне болгаш муниципалдыг ачы-дузаны ап турар хамаатыларның үлүүн, доктааттынган негелделерге болгаш өске-даа байдалдарга төптерниң информастыг-технология инфраструктарызының дүгжүп турары дээш өске-даа көргүзүглерни өөренип көрген. «Тываның МФЦ-лери көргүзүглерниң чамдыызын 100 хуу күүсеткен. «Чаңгыс соңга» хевирин күүсеткениниң көргүзүүн аңаа хамаарыштырып болур – деп сайыттың бирги оралакчызы Урана Насюрюн тайылбырлаан. – Республиканы МФЦ четкилери-биле хандырар ажылда база эң чедиишкинниг бис. Амгы үеде чурттакчы чоннуң 99,6 хуузу хөй ажыл-чорудалгалыг төптерниң ачы-дузазын ап турар, тургустунган стандарттарга ол 95,4 хуу дүгжүп турар».
Возврат к списку
|