БУСКАН БАЖЫҢНАР ТУРГАН ЧЕР УЧАСТОКТАРЫН ҮЛЭЭРИН ТЫВАНЫҢ БАШТЫҢЫ ХОРААН

 Тываның Баштыңы Шолбан Кара-оол Кызыл хоорай мэриязын, хоорай тудуунга хамаарыштыр кошкак политиказы дээш, шүгүмчүлээн.  

 Найысылалдың аңгы-аңгы микрорайоннарында бузуп каапкан эрги бажыңнарның чер участоктарын хуваарын ол хораан. Хоорайның чамдык даргалары хосталган чер участоктарынга боттарының объектилерин тудуп алырын сайгарлыкчыларга сүмелеп турар таварылгаларны билирин республика баштыңы сагындырган.  

 «Мэрияның «эки» чаңнаашкынын билбейн тур мен, ындыг болзажок чигзинчиг ындыг чугаалажылгаларга киришпезин кижилерден дилээр-дир мен. Эге баштай ол чоок кавы девискээрниң комплекстиг тудуунуң дөзевилелин ажылдап кылыр херек, оон ону ажык чурум-биле сайгарып көөр» – деп Шолбан Кара-оол чугаалаан. 

 Бо күзүн Кызылдың Дружба, Кызыл партизаннар, Кузнецов, Чульдум кудумчуларында ийи каът 14 бажыңны бузуп, оон 120 өг-бүлелерни өскээр көжүргенин сагындыраал.