«Тываның амданныг картазы» төлевилелче он муниципалитет боттарының аъш-чемин сүмелээн

 Тыва хүндүлээчел чоруктуң чылында Тываның Культура яамызының Туризм департаментизи биле «Тува-24» телеканал «Тываның амданныг картазы» төлевилелдиң теле-хевирин тырттырып турар.

  Шупту муниципалдыг тургузуглар, ооң аразында Кызыл база Ак-Довурак хоорайлар, боттарының аъш-чемин төлевилелге сүмелээн. 

  Таңды, Эрзин, Тес-Хем, Кызыл, Улуг-Хем, Чөөн-Хемчик база Сүт-Хөл кожууннарга баштайгы тырттырыышкыннарны чоруткан. Чиңге-тараадан, арбай далганындан, пөш тооруунжан, чыжырганадан, сүттен база өске-даа аъш-чемнерден онзагай чаагай чемнерни канчаар кылырын тайылбырлап тургаш, көргүскен.

 Бо хүннүү-биле алырга, Тываның муниципалдыг 10 тургуузунда тырттырыышкыннарны дооскан. Тыва кухняның онзагайының дугайында видеотаныштырылгадан сонуургап болур силер. Видеону дараазында айтыгдан көөр: https://vk.com/videos-20358661?section=album_45756586