Тывада чаштарның өлүп-хораар чоруу кызырылган

 Эрткен чылдың ол үезинге деңнээрге, республиканың көргүзүү 18 хуу кызырылган: 1000 чурттакчы чонга 11,8 кижи болган, а Россия база Сибирь федералдыг округ талазы-биле ол көргүзүглер тус-тузунда - 6,5 база 7-ге дең. 

 Тывада 500 азы оон хөй грамм төрүттүнгеш, чок болган чаштарның саны ооң мурнунда чылын 56 турганындан, бо чылын 44 чедир кызырылган. Чаштарның өлүп-хорап турарының кол чылдагааннары - иениң иштинге сайзырап тургаш кемниг болганында. 

 Чаа төрүттүнген чаштардан 17 харга чедир уругларның чок болуру ниитизи-биле эвээжээн. Эрткен чылдың бирги чартыында 100 муң чурттакчыга онааштыр 86 турган болза, бо чылын ол көргүзүг 22,3 хуу кызырлып, 66,8 болган. 

  2013 чылдан бээр, иелерниң чок болурун болдурбастаан болгаш, ол «тик» деп көргүзүгде каш чыл туруп турар.