Россияның Президентизи Владимир Путин телефон дамчыштыр Тываның Баштыңы Шолбан Кара-оолга төрүттүнген хүнү-биле байыр чедирген

18.07.2016

 Россияның Президентизи Владимир Путин Тываның Баштыңының хүлээлгезин күүседип турар Шолбан Кара-оолга, хүннүң бирги чартыында, телефон дамчыштыр юбилейи-биле байырны чедирген.  

 Регионнуң баштыңынга бүгүдеге, ылаңгыя Тыва Республиканы сайзырадырынче угланган ажыл-херектеринге чүгле экини күзээн: "Силерниң ажыл-чорудулгаңар, Силерниң амыдырал-чуртталгаңар Тыва Республика-биле сырый холбаалыг. Маңаа Силер шыңгыы профессионал школаны эртип, улуг арга-дуржулганы мөөңнеп, төрээн черинге сеткилинден ынак, чаңгыс чер чурттугларының чаагай чоруу дээш сагыш човангыр, салдынган сорулгаларны шынарлыг боттандырып шыдаар билдилиг удуртукчу болган силер. Харыысалгалыг ажыл-ижиңерге чедиишкиннерни, бүгүдеге чаагай чүүлдерни күзедим". 

 «Чурттуң Президентизинден төрүттүнген хүнүнде байыр чедириишкинин хүлээп алыры онза алдар болгаш улуг харыысалга-дыр (бүзүреттирген ажыл-херээ дээш). Кижиниң хей-аъды көдүрлүп кээр! Тывага В.В. Путинниң онза хамаарылгазынга чоргаарланыр мен!» – деп, Россияның Прездентизи-биле телефон дамчыштыр чугаалашкан соонда, Шолбан Кара-оол бодунуң блогунда бижээн.

Возврат к списку