Тоора-Хем суурда дизелдьдиг генераторларны ажыглалда киирген

 Тоора-Хем суурда «Тожунуң ДЭС» МУБ-та 2 дугаар генератор эрткен чылдың июньда ажыглалдан үнген. Чырык энергиязының чедишпезин барымдаалааш, Тожу кожуун чагыргазы графикти тургузуп, кожуун төвү биле кожа чыдар суурларже чырык бээринге кызыгаарлаашкынны кылган турган. 

  Озал-ондак соонда генераторнуң ажыглалдан үнген секторун септедири-биле, Красноярск хоорайже ону дарый чоруткан. Июль 3-ке чедир ону септээш, генераторну эптеп, ажыглалга киирер дээш ук бүдүрүлгениң специалистери Тоора-Хем суурга чедип келген. Тыва Республиканың Чылыг болгаш энергетика яамызы эде кылыышкын ажылын хынаан соонда, июль 8-те генераторну ажылдаткан.

  Бөгүнде Тоора-Хем суурда дизельдиг электростанция штат чуруму езугаар ажылдап турар. Кожуунда чырык хандырылгазында кызыгаарлаашкын чок дээрзин, энергетика яамызы дыңнаткан.